mebel

Ofis mebelinin vacib elementlərindən biri əməkdaşların arxasında daha çox vaxt keçirdikləridir. Bir çox şirkətlərdə işçilər öz vəzifələrini oturaraq yerinə yetirir, buna görə də ofis stullarının seçimi ofis fəaliyyətinin təşkilinin vacib məqamıdır.

Sübut olunmuşdur ki, iş yeri nə qədər rahatdırsa, işin yerinə yetirilməsi o qədər səmərəli olacaq: bir çox araşdırmalar təsdiq etmişdir ki, iş yerindəki rahatlıq əməkdaşın əmək qabiliyyətini əsaslı dərəcədə artırır. Bu,  topdan şəkildə ofis stullarını almazdan əvvəl ofis mebelinin seçiminə diqqətli yanaşmanın əsas səbəblərindən biridir. Ikinci səbəb – keyfiyyətsiz mebel insanların sağlamlığına zərəlidir, bunun özü də istehsal keyfiyyətinə əsaslı təsir edir.

Bəs ofis stullarını və kreslosunu necə düzgün seçməli? Ilk növbədə onların kimin üçün nəzərədə tutulduğunu müəyyən etmək lazımdır.

Rəhbər kreslosu ən yüksək rahatlıq dərəcəsinə malikdir. Onun istehsalında ancaq ən yaxşı və bahalı materiallardan və müasir texnologiyalardan istifadə olunur. Rəhbər kreslosunun funksional ağırlıq daşımasından əlavə sahibinin yüksək statusunun nümayiş etdirir.

Personal üçün ofis kresloları və ya operator oturacaqları praktik və etibarlı oturacaqlardır, səmərəli iş üçün lazımi şəraiti təmin edir.

Ziyarətçilər üçün oturacaqlar. Bunlar ən sadə konstruksiyaya malikdirlər: təkərcikləri yoxdur, yellənən və fırlanan deyil.

Ofis kresloları yüksək rahatlıq üçün çoxlu tənzimləyicilərdən ibarət konstruksiyadır.  Mühəndis – konstruktorların, həmçinin həkim və dizaynerlərin birgə işi nəticəsində sağlamlıq üçün təhlükəsiz olan, rahat, estetik, funksional və insan fiziologiyasına uyğunlaşan kreslolar hazırlanmışdır.

Kresloların əsas elementləri

Müasir ofis kreslosu sadəcə arxalıq və oturacağın birləşməsindən ibarət deyil. Indi o, bir neçə elementi özündə birləşdirən konstruksiyadır.

Çarpazlaşan hissə ( ulduz)  – bütün əsas ağırlığı üzərinə götürən element. Məmulatın uzun ömürlülüyü məhz onun etibarlılığından asılıdır.

Diyircəklər  kresloya hərəkət etmək imkanı yaradır ki, bu da işçinin yerdəyişməsini asanlaşdırır. Bir qayda olaraq, onlar polipropilendən, poliamiddən və ya poliuretandan hazırlanır.

Qazlift (qazpatron) – qazla doldurulmuş polad balon. Amortizator rolunu oynayır və kreslonun hündürlüyünü tənzimləyə imkan verir.

Kreslonun tənzimləmə mexanizmi arxalıq və oturacağın meyl bucağının dəyişilməsi hesabına rahatlığın yüksək dərəcəsinə nail olmağa, həmçinin yellənmənin möhkəmliyinə və istənilən vəziyyətdə fiksə edilməsinə imkan verir. Hazırda sinxron mexanizmlər ən yaxşısı hesab olunur, bu, oturacağın əyilmə bucağını arxalığın əyilmə bucağı ilə eyni anda dəyişir. Bütün bunlar istifadəçinin ağırlığı altında baş verir. Bu konstruksiya bir hərəkətlə onurğanı rahatlamağa və bununla da daxili orqanlara təzyiqi azaltmağa imkan verir.

Kreslonun elementlərinə mebelin rahatlığını təmin edən müxtəlif doldurucular da aiddir.

Doldurucular və üzlük materiallar

Demək olar ki, bütün kresloların doldurucuları eynidir. Bu ya penopoliuretan (çox uzun ömürlü və davamlı köpükləndirilmiş polimer), ya da daha çox hava keçiriciliyinə malik nisbətən uzun ömürlü paralon materialdır.

Kresloların üzləmə materialları

Ofis kreslolarının üzlənməsində strukturu və tərkibinə görə müxtəlif materiallardan istifadə olunur. Müasir materiallar möhkəm davamlılığa, hava keçiriciliyinə və suya davamlılığa malikdir. Onların tərkibinə müxtəlif liflərin, həmçinin təbii liflərin kombinasiyası daxildir. Xüsusi hopdurucularla emal edilən iplərin hörülməsinin müxtəlif texnologiyalarından istifadə olunur. Bütün bunlar kreslonun ömür müddətini artırar. Rəhbər ofis kreslolarını bir qayda olaraq dəri ilə üzləyirlər.

Ofis mebelinin erqonomikası

Erqonomika, insan sağlamlığının necə qoruması və onun iş effektivliyinin necə artırılmasına cavab axtarır. O, həm də yorğunluq nəticəsində kompyuter arxasındakı iş sürətinin azalması, əsəb – psixoloji xəstəliklərin və  dayaq – hərəkət aparatının xəstəliklərinin artması kimi məsələlərlə də məşğul olur. Belə ki, həqiqətən erqonomik ofis kreslosu erqonomik mebellə birlikdə işdə düzgün pozanı almağa imkan verir, istehsal yorğunluğunun, onurğa xəstəliklərinin, varikoz vena genişlənməsinin və iş yerində qazanılan digər xəstərliklərin yaranmasının qarşısını alır. Bu səbəbdən ofis kresloları qoltuqlar, bel üçün yastıqçalar, hündürlüyün və oturacaq və arxalığın meyllik bucağının tənzimlənməsi mexanizmləri və başqa əlavə elementlərlə ilə təchiz edilir.

Əməkdaşların işini yüngülləşdirmək və effektivliyini artırmaqdan ötrü iş yerlərinin tərtibatına ciddi yanaşmaq lazımdır. Keyfiyyətli və rahat kreslolar işdən məmnuniyyət dərəcəsini və nəticəviliyi əhəmiyyətli dərəcədə artıracaq.