Missiyamız mebel almaq istəyənlərə, vaxtlarına maksimum qənaət
etdirərək ən uyğun mebeli tapmalarına kömək etməkdir

Faydalı məlumatlar

Rəhbərin iş otağı necə olmalı?

 

Rəhbərin iş otağını əbəs yerə bütün şirkətin üzü hesab etmirlər. Məhz bu sahə ziyarətçilərdə firmanın biznes fəaliyyətinə nə dərəcədə ciddi yanaşdığı, iddiaların nə qədər böyük olması və rəhbərin gözəl zövqü haqqında təsəvvür yaradır. Otaqda toplantılar keçirilir, vacib qərarlar qəbul edilir, müqavilə və sazişlər bağlanır. Çox zaman şirkətin müştəriləri və tərəfdaşlarının təəssüratı məhz bu otağın tərtibatından asılı olur.

 

 

Rəhbərlərin ilk iş otağı bir neçə yüzilliklər əvvəl yaranmışdır. Şirkət sahibləri və cəmiyyətdə yüksək mövqe tutan insanlar iş yerlərinin ən yaxşı şəkildə təşkil olunmasına çalışırdılar və bununla belə öz müəssisələrinin imici haqqında düşünürdülər. Əvvəlcə belə məkanlar dəbdəbəsi və iri ağac mebeli ilə fərqlənirdi, ancaq zaman keçdikcə klassik üslübu yeni dəbli hay – tek (hi-tech) əvəz etdi və hazırda rəhbərlərin iş otağının tərtib edilməsində yeni dəbi təbliğ edir.  

Rəhbərin müasir iş otağı adətən üç funksional zonadan ibarət çoxfunksiyalı məkandır: qəbul, iş və istirahət zonası ilə yanaşı ola biləcək danışıq zona.

Qəbul sahəsində işıqlandırmanın güclü olması çox vacibdir, axı məhz burada rəhbər ziyarətçiləri qəbul edir, məsələləri nəzərdən keçirir, qərarlar qəbul edir. Buradakı aktual mebelə paltar üçün asılqan, bir neçə kreslo və ya divan və jurnal masası aiddir. Əgər yumşaq mebel məkanın görünüşü ilə yalnız rəng çaları ilə uyğunluq təşkil edə bilərsə, panel mebel yuxarı səthi divar panellərinə uyğun olduğu halda yaxşı görünər. Bu baxımdan ən yaxşı variant şpon dəzgahlıqdan hazırlanmış jurnal masasıdır. Belə mebel nəinki estetik görüntü verir, həm də rahatdır, eyni zamanda uzun ömürlüdür, bu da uzun müddət hər gün istifadə edildikdə çox vacib amildir.

Iş sahəsi adətən ofis masası, rahat kreslo, masa və ya kompyuter üçün yan tumba, sənədlər üçün tumba və bir və ya bir neçə dolabdan ibarətdir.

Rəhbərin iş otağındakı yazı masası böyük ölçüləri ilə fərqlənir, adətən dəzgahlıq 180 mm uzunluğa və 90 mm enə malikdir. Karkas hissə həm DSP, həm də metaldan hazırlana bilər. Yazı masası çox zaman masanın yuxarı səthini əsaslı surətdə genişləndirən yan masa ilə təchiz olunur.

 

 

Mebelin vacib elementindən biri yeşikləri olan diyircəkli tumbadır. Burada rəhbər bütün lazımi sənəd və ləvazimatları saxlayır, mərkəzi kilidin olması isə kənar şəxslərin yeşiklərdəki əşyalara müdaxilə imkanını məhdudlaşdırır.

Kreslo rahat, iri oturacaqlı və başlıqlı hündür söykənəcəkli olmalıdır. Çətin tənzimləmə sisteminin - oturacağın hündürlüyü, söykənəcəyin meyllik bucağının tənzimlənməsi, həmçinin onun yuxarı və aşağı hissələrinin sinxron tənzimləmə mexanizminin olması mütləqdir. Adətən rəhbər kreslosunun örtüyü təbii dəridən olur, ancaq hazırda yeni süni materiallar istehsal olunur ki, cəlbedici xarici görünüşü, rahat istifadəni və mebelin bu növünə asan qulluğu təmin edir.

Rəhbər otağındakı dolablar ehtiyacdan çox interyerin yaraşığını təmin edir, buna görə də otaq sahəsinin çox hissəsini onlarla məşğul etməyə dəyməz. Bununla belə onlar funksional olmalıdır onların rəflərində sənədlər, kitablar, həmçinin nəinki şirkətin, həm də məsul şəxsin imic və üslubunu nəzərə çarpdıran aksessuarlar saxlanılır. Bundan başqa dolabdakı bəzi yerləri rəhbərin şəxsi paltar sahəsi kimi də istifadə etmək olar. Məhz buna görə də dolab seçərkən çox diqqətli olmaq lazımdır. Dolabın bir hissəsinin şəffaf olmayan materialdan – ağac, DVP və ya şponlu MDF – dən hazırlanmış qapılardan, digər hissəsinin isə şüşəli rəflərdən ibarət olması məsləhət görülür.

 

 

İstirahət zonası, əvvəldə qeyd edildiyi kimi çox zaman danışıq otağı funksiyasını da yerinə yetirir. Belə vəhdətin təşkili ona görə rahatdır ki, hər iki halda seçilmiş mebel demək olar ki, eynidir. Divan və yumşaq kreslolar həm bir neçə dəqiqəlik istirahət üçün, həm də toplantıların keçirilməsi üçün uyğundur. Dairəvi və oval formalı masalar işgüzar danışıqların iştirakçılarına yaradıcı olmağa, jurnal masasının mövcudluğu isə toplantını bir fincan çay və ya kofe ilə başa vurmağa imkan verəcək.

Iş günü ərzində rəhbərin özünün də istirahətə ehtiyacı olduğunu nəzərə alsaq otağı bitkilərlə bəzəmək və ya kiçik akvarium qoymaq olar. Psixoloqlar hesab edirlər ki, belə şəraitdə insanlar daha yaxşı dincəlir, sonra isə effektiv işləyir.

Nəhayət, daha vacib bir məqam. Rəhbər otağının interyeri ofisin ümumi işləmələrinə uyğun üslubda tərtib olunmalıdır. Divar örtükləri üçün ən uyğun variant xarici tərəfi bahalı ağac növü şponundan hazırlanmış dekorativ panellərdir. Onlar ciddi iş mühiti yaradır. Şpon panellər estetikdir, uzun ömürlüdür və xüsusi qayğı tələb etmir: onların üzərini həm quru, həm də yaş əski ilə, bir neçə ayda bir dəfə isə mebelə qulluq vasitələri ilə silmək olar.

Şpon həm də mebelin istehsalında, həmçinin rəhbərlər üçün mebel istehsalında geniş istifadə olunur. Bahalı ağac növündən hazırlanmış şpon örtüklü masalar, dolablar, tumbalar, yan masalar ağac materiallarından hazırlanmış analoji məmulatlardan heç də pis görünmür, bununla belə onların istifadəsi daha məqsəduyğundur, xidmət müddəti isə kifayət qədər yüksəkdir. Əsas üstünlükdən biri isə otaqda bütün mebeli dəyişmədən üzlüyü dəyişə bilmək imkanıdır. Bir neçə ildən sonra masanı, dolabı və ya tumbanı yeniləmək istəyirsən, ancaq bununla belə mövcud mebellərin funksionallığı sizi tam qane eliyir. Bundan başqa interyerin yeni əşyalarına öyrəşmək lazımdır, bu isə işdən yayındırır, stress vəziyyətlərin sayını artırır. Səthin şponlaşdırılması artıq öyrəşdiyiniz otaqda çox da əlavə xərc tələb etmədən və vaxt sərf etmədən yeni üslub yaratmağa kömək edəcək. Belə dəyişikliyin əla nəticələrinə isə şübhə etməyə bilərsiniz.